Sydvestor tilbake i pluss

Investeringa i offshoreskipa til World Wide Supply (WWS) tok både overskot og arbeidskapasitet for investering- og forvaltningselskapet Sydvestor i 2015 og 2016.

Sydvestor var forvaltar og investor i World Wide Supply-satsinga, som enda med at dei opprinnelege aksjonærane tapte praktisk talt alt og obligasjonseigarane tok over.

World Wide Supply-investeringa tok også mykje tid, og i 2016 fall driftsinntektene frå 18 til knappe åtte millionar kroner etter at obligasjonseigarane tok over forvaltninga av World Wide Supply.

Auka aktivitet

I 2017 auka driftsinntektene til 21,6 millionar kroner (sjå tabell), som er det høgaste nivået sidan 2013.
Inntektsauken skuldast ein kombinasjon av at Sydvestor er ferdig med WWS-investeringa og av ein auka aktivitet i kjøp og sal av bedrifter, samt prosjekt- og refinansiering der Sydvestor er finansiell rådgivar. Selskapet har og lukkast i å finne nye marknader etter å ha vore retta mot offshore-marknaden fram til oljeprisen fall.
Dagleg leiar Frede Uldbæk i Sydvestor seier omfanget av kjøp, sal og refinansiering av verksemder på Nordvestlandet er på veg opp.
- Det er ein stor andel investorar utanfrå som synest mellomstore bedrifter på Nordvestlandet har eit stort potensiale, seier Uldbæk.

Tilsette eigarar

Rundt 70 prosent av aksjane i Sydvestor er eigd direkte eller indirekte av Frede Uldbæk og andre tilsette i selskapet, Jostein Sætrenes, Sigvald Skeide og Steinar Sivertsen Kulen.
Selskapet hadde seks årsverk ved årskiftet.