Tapte mot dansk konsern

Hareid Group må betale 1,9 millionar danske kroner - om lag 2,9 millionar norske kroner - i erstatning og 300.000 kroner i sakskostnadar til motparten.

Striden gjeld eit krav som den danske stål- og utstyrsgrossisten Lemvigh-Müller hadde mot Hareid Group sitt danske datterselskap HG Electric. Utgangspunktet var 318 fakturaer som det danske selskapet hadde til gode.

Etter at HG Electric gjekk konkurs i desember i fjor retta Lemvig-Müller kravet mot Hareid Group i staden og argumenterte med at ein sjølvskuldnarkausjon gjorde at Hareid Elektriske - som er det juridiske namnet på Hareid Group - måtte betale.

Striden hamna i retten, og no har Møre og Romsdal Tingrett gikk det danske selskapet medhald.

I tillegg til erstatning og sakskostnadar med Hareid Group også betale to prosent forsinkelsesrente.

Kjennelsen kan ankast.

Lemvig-Müller ville ha dekt sakskostnadar på 522.287 kroner, men retten reduserte det til 300.000 kroner, som Hareid Group må betale. I tillegg har Hareid Group 259.954 kroner i eigne sakskostnadar.