Tellus kjøper ut Romestrand

Tellus-konsernet kjøper Sunnmøre Caravan frå Magnar Romestrand, skriv Bygdebladet.

Romestrand har tre utsal av bubilar og campingvogner,, på Sjøholt, i Volda og i Stryn. Alle tre er med i handelen.

Telluskonsernet er frå før inne i Tellus Ålesund og Juro Caravan i Malmefjorden. Konsernet har Credo Partners med på eigarsida, som saman med fleire selskap i bransjen, skal bygge opp eit større og landsdekkande konsern. Med Sunnmøre Caravan har selskapet i dag 12 forhandlarar.

Credo Partners har mellom anna vore medeigar i Optimar og er medeigar i MMC First Process.

Modellen til Tellus er at eigarane i selskap som blir med i konsernet også blir medeigarar i Tellus.