- Timinga var uforskamma god

- Det er folk og kikar, men det er ingen henvendelsar lenger, seier dagleg leiar Inge Olsen i selskapet Harevadet Hyttergrend i Hornindal i Volda kommune.

Organisasjonen Boligprodusentene melder om ein nedgang i hyttesalet på 60 prosent i Møre og Romsdal så langt i år. Det blir også starta bygging av færre hytter. Der er nedgangen 53 prosent.

Kom seg i mål i tide
Harevadet Hyttegrend er eigd av grunneigar som eigde arealet vest for skibakken i Hornindal.

I alt 140 tomter har dei opparbeidd, og heldigvis for dei var dei aller fleste selde før marknaden snudde. Olsen meiner marknaden snudde allereie tidleg i fjor, og i år er det berre seld tre tomter, men idag er det berre seks tomter att.

- Timinga var uforskamma god, seier Olsen.

Middels pris
Tomtene og hyttene i Hornindal er i ein slik prisklasse at målgruppa er nettopp dei som kjenner renteauken nok på kroppen til at det gir store utslag i kjøpelysta, etter Olsen si vurdering.

Dersom renta og marknaden hadde vore som for to år sidan, meiner han dei seks atteverande hyttetomtene hadde vore selde for lengst.