Tysk oppkjøp gav vekst

I fjor kjøpte fiskeeksportøren Coast Seafood i Måløy fiskeforedlingsbedrifta Vega Salmon i Tyskland. Inntektene frå det nye datterselskapet er hovudårsaka til at inntektene auka med 1,9 milliardar kroner i 2023 (sjå tabell), skriv selskapet i årsmeldinga for 2023.

Coast Seafood si viktigaste verksemd er eksport av oppdrettslaks og -aure, men selskapet eksporterer også kvitfisk, pelagisk fisk og skaldyr.

Selskapet eig og driv også Sotra Fiskeindustri ved Bergen, eit slakteri og vidareforedlingsanlegg for laks og aure.

Datteselskapet Måløy Seafood i Måløy er eit mottaksanlegg for pelagisk fisk.

Samanhengande vekst sidan 2012
Coast Seafood har hatt ein samanhengande inntektsvekst sidan 2012, då inntektene var 2,5 milliardar kroner.

Morselskapet i Måløy har 46 tilsette.

Konsernet sysselsette 835 årsverk i fjor, fordelt på 888 tilsette.

Tre eigarar
Maan Invest og Eili Invest eig 45,331 prosent kvar av konsernet.

Maan Invest er eigd av Odd Øvrebø og familie. Han eig 10 prosent i selskapet, men alle A-aksjane.

Eili Invest er eigd av Sverre Søraa og familie, Han eig 10 prosent i selskapet, men alle A-aksjane.

Sjøtroll Havbruk eig 0,085 prosent. Resten av aksjane er i Coast Seafood sitt eige.