Uklart kva som skjer med New World Supply-skipa

- Vi veit faktisk ikkje kva planar den nye eigaren har for desse skipa.
- Det einaste vi har fått vite at skipa vert liggjande der dei ligg i dag ei stund til framover.
Det seier dagleg leiar Even T. Remøy i Remøy Management.
Herøy-selskapet har hatt managementet på dei Romania-bygde skipa heilt sidan Ulstein-baserte World Wide Supply overtok PSV-ane i 2013.
Remøy Management hadde også ansvar for prosjektering og byggjeoppfølging for skipa i Romania.

Borealis Maritime

Etter at Ulstein-selskapet fekk økonomiske problem, mykje som følgje av at fire av flåten på seks PSV-ar vart kasta ut av Brasil, overtok selskapet New World Supply (NWS) som eigar, der Øystein Stray Spetalen-kontrollerte Standard Drilling etter kvart kjøpte seg inn med 34,4 prosent eigarskap.
Det var også Standard Drilling som 12. april opplyste at dei fire siste PSV-ane var selde til ein ‘velkjent og anerkjend’ motpart.
Fleire medier har seinare rapportert at det er det britiske maritime investeringsselskapet som har kjøpt dei fire skipa.
Det er i så fall det same selskapet som kjøpte dei to første World Wide-skipa, som no heiter OOC Emerald og OOC Sapphire.
Eitt av dess skipa er i arbeid utanfor Liberia, det andre ligg i opplag i Cadiz.

Fleire var interesserte

Dei fire siste skipa er World Opal og World Peridot, som ligg i opplag ved Herøyterminalen i Torvika, i tillegg til World Diamond og World Pearl som ligg i opplag i Ålesund.
Even T. Remøy seier at det var fleire aktørar som var interesserte i skipa.
- Ja, interessa har auka i takt med at det har lysna litt for denne typen båtar.
Dei 80 meter lange og 16,2 meter breie lange søsterskipa har eit dekksareal på 728 kvadratmeter.