Ukraina-konflikten gav forseinking

- Ja, konflikten i Ukraina førde til eit stengt stålverk, og dermed manglande stålleveransar til verftet, seier reiar Petter Geir Smådal.
Laurdag vart skroget sjøsett, og torsdag startar slepet ut Middelhavet og mot Havyard Leirvik, der båten skal utrustast.

Godt fornøgd

Trass i utsetjinga, seier Smådal at ein er godt fornøgd med arbeidet som er utført på det tyrkiske verftet.
- Dei har gjort fint stålarbeid og målingsarbeidet er det god kvalitet på.
- Her er også gjort ein del innvendig målingsarbeid på tankar, og det ser bra ut.

Stor delegasjon

På plass under sjøsettinga var ein delegasjon på over 20 personar frå Herøy-reiarlaget.
.
Nye "Smaragd" er 74 meter lang og 15,8 meter brei. Lasteromskapasiteteten er på 2100 kubikkmeter.
Båten er ein kombinert ringnotsurpar og trålar, og er utvikla i nært samarbeid mellom reiarar og designselskapet Havyard.

Havyard-verft

Skroget har vorte bygt ved Cemre skipsverft i Yalova i Tyrkia, eit verft der det er bygt over 30 skip med Havyard-design.
Verftet satsar stort på bygging av norske fiskefartøy og offshorefartøy, og ønskjer å gå frå å vere eit reint skrogverft til å byggje nøkkelferdige skip.

Sjette båten

Verftet har satsa store summar på oppgradering siste åra, men nye "Smaragd" skal utrustast ved Havyard sitt verft i Leirvik. Slepet ut Middelhavet og mot Norge startar torsdag, opplyser reiar Petter Geir Smådal.
Etter planen skulle båten vere ferdig i april i år, men Smådal opplyser at skroget er tre månader forseinka.
For Smaragd-reiarane er dette den sjette båten og det tredje nybygget.
Gamlebåten vart i juli i fjor seld til islandske reiarlaget Lònuvinnslan frå Fáskrúðsfjörður aust på Island.
Etter det NETT NO kjenner til var salssummen på rundt 71 millionar kroner.
Les meir .