Vil selje Runde Panorama samla

Heile anlegget til Runde Panorama, med ni hytter med havutsikt på Runde, skal seljast samla. Det er planen etter eit møte mellom bustyrar Jørund Knardal og hovudkreditor Sparebanken Møre i dag.

Det var opna konkurs i selskapet denne veka. Gjelda er på over 30 millionar kroner, og banken har pant i praktisk talt alt av verdi, ifølgje Knardal.

I ein slik situasjon kan bustyrar overlate heile anlegget til banken, men banken ønskte heller at eit sal skal skje i regi av bustyret, seier Knardal.

To år i minus
45 millionar har Arnulf Goksøyr og partnarane satsa på luksushytter på Runde. No manglar kun gjestane, skreiv Nett No i slutten av 2022.

Til sama hadde selskapet 0,9 millionar kroner i driftsinntekt og minus 9,6 millionar i resultat før skatt i åra 2023 og 2024.

Skianlegg i fanget
I fjor fekk Sparebanken Møre skianlegget på Bjorli i fanget, etter at Bjorli Skisenter meldte oppbod i mai, med ei gjeld på 30 millionar kroner til banken.

Der gjekk gamle,og nye aksjonærar inn med åtte millionar kroner i eigenkapital og sikra i september ifjor vidare drift av anlegget på Bjorli, gjennom eit nytt selskap.