Uroa over låg byggeaktivitet

Styret er uroa over den låge nybyggaktiviteten ein ser ved inngangen til 2024, skriv Ørskog Sparebank i årsrapporten for 2023.

Dei to siste åra ha bustadmarknaden kjølna, og banken skriv at det no er svært avgrensa aktivitet i nybyggingsmarknaden og veldig få bustadar til sals i banken sitt område.

Det påverkar både utlånsaktiviteten, der bustadmarknaden er ein viktig drivar, og utviklinga av Ørskog-samfunnet. Banken reknar med at Ørskog blir eit attraktivt buområde. mellom anna på grunn av bustadprisveksten sentralt i Ålesund. Lite nybygging kan imidlertid presse prisane opp i bustadmarknanden og gjere det meir utfordrande for førstegangskjøparar å etablere seg i Ørskog, etter banken si vurdering.

Banken hadde ein utlånsvekst på 6,6 prosent i 2023. Utlån til privatkundar auka med 5,9 prosent, utlån til næringslivet med 11,4 prosent.

Ørskog Sparerbank auka tapsavsetningane frå 3,3 til 5,5 millionar kroner i fjor. Tapsavsetningane utgjer 0,19 prosent av brutto utlån.

Rentenettoen, skilnaden på renteinntekter og innlånskostnad, auka frpr 2,01 prosent i 2022 til 2,37 prosent i 2023.

Les børsmelding her

"Ørskog Sparebank har for tredje år på rad oppnådd det beste resultatet etter tap og skatt som vi nokon gong har hatt. Dette trass i høge kostnader med å skifte ut heile datasystemet vårt, og høgare tapsavsetnader enn vanleg.", skriv administrerande direktør Eirik Kavli i årsrapporten.