USA-ja til oljekutt

Opec-landa og Russland, saman med ei gruppe andre oljeprodusentar kom torsdag fram til ein avtale om å kutte oljeproduksjoen med 10 millionar fat om dagen i mai og juni. Mexico nølte med å slutte seg til, og sette avtalen i fare i følgje Saudi Arabia. Men i dag sa USAs president, Donald Trump, at USA kan hjelpe Mexico med kutta,.

Planen er at USA skal kutte sin oljeproduksjon med 250.000 fat om dagen, og at Mexico kan kompenserer for kuttet på eit seinare tidspunkt.
Opec-landa og Russland ventar at land utanfor Opec/Russlandalliansen vil kutte sin oljeproduksjon med ytterlegare fem millionar fat om dagen, slik at dei samla kutta i mai og juni blir 15 millionar fat om dagen.

Analyseselskapet Rystad Energy anslår at oljetterspørselen no er 27 millionar fat om dagen under gjennomsnittet i fjor. Opec sitt anslag er 30 millionar fat og dag, 30 prosent under 2019-gjennomsnittsnivået.
I starten av mars mislukkast Russland og Opec i å bli samde om produksjonskutt. Saudi-Arabia starta ein priskrig, like før koronakrisa råka verda for fullt. Dermed fekk oljeprisen ein dobbel smell, og var 30. mars heilt nede i under 23 dollar fatet. Prisen har ikkje vore lågare sidan 2001/2002.