Uvisse i marknaden

Hav Group held fast ved målet om at selskapet skal nå 1,3 milliardar kroner i årlege driftsinntekter i 2025 og meiner dei langsiktige utsiktene er gode.

På kort sikt er marknaden imidlertid prega av generelle uvisse og utsette prosjekt, skriv selskapet i ei børsmelding i samband med offentleggjering av kvartalsrapporten for 3. kvartal.

Les børsmelding her

Kontaktsavklaringar i vente
Fleire viktige anbod selskapet har levert vil bli avklart i løpet av dei neste månadane, og utfallet vil vere viktig for kapasitetsutnytting i 2020, ifølgje børsmeldinga.

Sjå selskapet sin presentasjon av 3. kvartalsrapporten direkte frå klokka 0800 her, eller i opptak seinare.

Hav Group blei børsnotert i mars i fjor, etter at det var skild ut frå dåverande Havyard Group.

Selskapet omfattar fire datterselskap Hav Hydrogen (lagar løysingar for bruk av hydrogen som energiberar om bord i skip) , Hav Design (skip- og utstyrsdesign), Norwegian Electric System (energikontroll- og engerigstyresystem for skip) og Norwegian Greentech (system for handtering av ballastvatn).

Før børsopning i dag er aksjekursen i dag 11,36 kroner, som verdset selskapet til 398 millionar kroner. Då selskapet blei børsnotert i mars 2021 var kursen 15,50. Toppnoteringa for aksjen er frå 21. mars i år, med 17,80 kroner aksjen. Botnnoteringa er frå 28. oktober i år, med 9,43 kroner aksjen.

Sævik-familiens holdingselskap Havila Holding eig 25 prosent av aksjane og er største eigar.