Vartdal Plast-tilsette skapte optimisme

- Dei tilsette ønska å hylle dei som står på for å halde hjula i gang i ein nokså mørk kvardag.
- Responsen tilbake har vore enormt positiv.
Det seier produktsjef Mounir El'Mourabit ved Vartdal Plast.
Han var med og tok bilde og film då dei tretten vogntoga først tok ei runde på Vartdal, deretter til Ørsta og forbi legesenteret, til ungdomsskulen, Furene, Volda sentrum og Volda sjukehus.
Etter ein time på Facebook er videoen sett av over 2.500 og delt over 100 gongar.

Lysning lenger framme

El'Mourabit seier at hyllesten var til helsearbeidarane, men også til alle andre som står på i denne vanskelege tida.
- Dei tilsette ønska også å få fram at det er lysning lenger framme, og at mange står klare til å bidra for fullt.
El'Mourabit seier at det var dei tilsette sjølve som hadde tatt initiativet.
- Ja, dette var i regi av tilsette på lager og i produksjon, i tillegg til sjåførar.
- Vi frå leiinga var støttande bakspelarar.

- Må ikkje miste optimismen

Vartdal Plast er ikkje av bedriftene som hittil har permittert tilsette.
- Vi også merkar at vi er i ein uvanleg situasjon, men vi har tru på at vi kan sjå lysare tider lenger framme i tid.
- Vi må ikkje miste optimismen.