Vekst, men svakare lønsemd

Norva24-konsernet hadde ein inntektsvekst på 15,2 prosent i 2024. 

Veksten kjem dels frå auka inntekt hos selskap som allereie var ein del av konsernet då året byrja, og dels gjennom inntekt frå selskap som blei kjøpt opp i fjor.

Lønsemda vaks imidertid ikkje i takt med inntekstveksten (sjå tabell under). I rapporten for 4. kvartal 2024 legg administrerande direktør Henrik Norrbom mykje av skulda på eitt tysk datterselskap, som driv i Berlin-området.

Lønsemda er betra i Noreg, Sverige og Danmark i fjerde kvartal, men ikkje i Tyskland.

Les kvartalsrapporten her (ekstern lenke)

Stryn-miljøet
Norva24 har spesialisert seg på vedlikehald av infrastruktur under bakken. Selskapet spring ut av blant andre det som var selskapet Septik 24 i Stryn. 

I allianse med det svenske investeringsfondet Valedo Partners har Norva24 kjøpt opp ei rekke selskap både i Noreg og utlandet.

Invest 24 er fjerde største eigar i konsernet, med 6,9 prosent av aksjane. Invest 24 er eig av Arild Bødal, Kristian Sandbakk og familiemedlemer og Jonny Brikeland og familiemedler. Bødal og Sandbak-familien bur i Stryn.

Bødal eig og ein prosent av aksjane i Norva24 direkte.

På børs
Norva24 vart børsnotert i Stockholm  i 2021. Ved børsopning var kursen 33 kroner aksjen. 

Før børsopning onsdag er kursen 25,05 svenske kroner, som verdset selskapet til 4,57 milliardar svenske kroner - tilsvarande 4,75 milliardar norske kroner.