Ventar mindre fart i næringslivet

"Høgare renter og kraftig prisvekst har også negativ innverknad på næringslivet. Førebels er aktiviteten i næringslivet god, men banken ventar ein reduksjon i aktiviteten og i investeringane, og enkelte bransjar merkar fall i etterspurnaden. Dette gjeld særskilt bygg og anlegg", skriv banken i kvartalsrapporten per fjerde kvartal 2023.

Les børsmelding her

24,3 prosent av utlåna til Sparebanken Sogn og Fjordane er til bedrifter og offentleg sektor, og banken er ikkje uroa for tap trass i at den ventar mindre aktivtet for deler av næringslivet framover.

"Det er vår vurdering at bedriftene i regionen samla sett er godt rusta til å møte eit meir usikkert makrobilde. Kredittrisikoen på bedriftsmarknaden vert derfor vurdert som moderat.", skriv banken i kvaralsrapporten.

Utlånsveksten samla er på 4,5 prosent, 5,3 prosent i privatkundemarknaden og 2,3 prosent i bedrift-/offentleg sektor-marknaden.

Veksten er lågare enn den har vore tidlegare, men det er framleis god vekst spesielt frå privatmarknaden, skriv banken.

Sparebanken Sogn og Fjordane er dels sjølveigande dels eigd av Sparebankstiftinga Sogn og Fjordane og Sparebankstiftinga Fjaler. Banken foreslår å betale ut 507 millionar kroner i utbytte og gåver etter 2023.