Vil samarbeide tettare med skulane

Jan Thormodsæter er tilsett som dagleg leiar i Maritim Forening for Søre Sunnmøre, etter å ha vore konstituert i stillinga.
Tidlegare dagleg leiar Terje Høybakk er gått over i rollen som seniorkonsulent.

– Innovasjonsarbeidet inn i skulane

Thormodsæter seier tempoet i endringane i næringslivet, er med på å tvinge fram eit tettare samarbeid inn mot skuleverket.
– Vi har allereie hatt eit engasjement inn mot det etablerte kunnskapsmiljøet ved vidaregåande skuler, høgskuler og universitet. Men no ser vi at omstillingsprosessen bedriftene opplever får raskare og det gjer at vi i større grad må få innovasjonsarbeidet inn i skulane for å sikre at bransjene får rett kompetanse, seier han til NETT NO.
Han fortel at bransjeorganisasjonen vil jobbe meir med dette framover.
– Samstundes har vi fått eit meir smidig utdanningssystem dei siste åra, som legg betre til rette for dette samarbeidet, seier han.

Samferdsel og autopass

Thormodsæter har vore i Mafoss sidan 2010 og kjenner slik sett både organisasjonen og bransjen godt. Samferdsel er eit anna område der den nye Mafoss-leiaren meiner det er fleire utfordringar.
– Vi vil mellom anna jobbe for endringar i det som ser ut til å bli ei svært urettferdig auka i kostnadar med innføring av autopassregulativet. Utslaget for transportbransjen og pendlarar er svært uheldig, og slår igjen uheldig for våre medlemsbedrifter. Den reelle auken her, er på fleire tital prosent mot tidlegare, seier Thormodsæter.

Feirar 50 år

På årsmøtet til Mafoss i slutten av april vart Oddvar Saunes valt til ny styreleiar. Saunes har lang fartstid i den maritime bransjen og vore fleire perioder i Mafoss-styret.
Organisasjonen feirar 50 år i år, og skal markere dette med en jubileumsfest i oktober.
– Historia til den maritime næringa i vår region er svært viktig, men arbeidet med å ta nye utfordringar og til å posisjonere oss inn i mot framtida, er sjølvsagt enno viktigare, seier Saunes i ei pressemelding.
Les meir: