Vil stoppe favorisering av turistbutikkar

- Det går ut over aktørar som ikkje er villige til å betale ein slik provisjon, og er til hinder for konkurransen mellom aktørane, skriv Bjørlo i eit skriftleg spørsmål til næringsministeren.

Her spør Bjørlo om regjeringa vil forby ein slik praksis, eller på anna måte rydde opp i bruken av returprovisjonar for turistguidar.

La arbeid på is etter pandemien
Næringsdepartementet jobba med problemstillinga i 2019/2020, men la arbeidet på is etter at koronapandemien kom, for å prioritere krisehjelp til reiselivet og andre bransjar.

Samtidig lova dåverande regjering at arbeidet ville bli teke opp att, når samfunnet gjenopna for fullt.

- Eg vonar difor at noverande næringsminister har tatt opp stafettpinnen etter regjeringa Solberg, og at det no er på gang konkrete tiltak for å få slutt på denne uheldige praksisen, skriv Bjørlo.

Onsdag hadde næringsminister Jan Christian Vestre (Ap) ikkje svara på spørsmålet.

- Høgare prisar og avgrensa tilgang
Bjørlo påpeiker at Tina Søreide som no er konkurransedirektør, har omtala praksisen som skadeleg og noko som bør regulerast.

- Bruken av returprovisjonar fører til at turistar får høgare prisar og avgrensa tilgang til marknadene, medan butikkane opplever urettferdig konkurranse på urettvist grunnlag, sa ho til avisa Firda i 2021.

Søreide som reknast som ein av ein av Noregs fremste ekspertar på korrupsjon, var då professor ved Norges Handelshøyskole.