Vil vurdere utmelding

Årsmøtet i Fiskebåt Vest gjer som kollegaene i Fiskebåt Nord, og ber samrøystes om at organisasjonen gjer ei vurdering av om Fiskebåt framleis skal vere med i Norges Fiskarlag.

Det avgjorde årsmøtet i Fiskebåt Vest på årsmøtet sitt i Loen fredag.

Bransje- og arbeidsgiverorganisasjonen Fiskebåt organiserer eigarane av den havgåande fiskeflåten, og er delt i tre regionlag: Nord, Vest og Sør.

Med dagens vedtak har to av tre regionlag i Fiskebåt vedtatt at dei vil ha utgreidd om organisasjonen skal ta farvel med Norges Fiskarlag. Fiskebåt Sør har årsmøte neste veke.

Strid om maktfordeling
Fiskebåt er ein av tre organisasjonar i Norges Fiskarlag. Dei to andre er Sør Fiskarlag og Nord Fiskarlag.

Striden står om maktfordelinga i fiskarlaget.

Fiskebåt vil at dei tre medlemsorganisasjonane skal vere likt representert i styret og på landsmøtet til Norges Fiskarlag.

I dag har Nord Fiskarlag flest representantar. Ifølgje Fiskebåt har Nord Fiskarlag blokkert for ei endring som ville gitt dei tre organisasjonane lik innflytelse.