Vindkontraktar for Kongsberg

Kongsberg Gruppen har sendt ut to børsmeldinga om kontraktar i vindkraft-marknaden i dag.

Datterselskapet Kongsberg Maritime skal levere design og utstyr til to skip som skal byggast hos China Merchant Heavy Industries. Reiarlaget er IWS Fleet (tidlegare Awind), eit datterselskap av Integrated Wind Solutions, med norske Awilco som største aksjonær.

Kontrakten er på 20 millionar Euro, 193 millionar kroner med dagens kurs.

Les børsmelding her

Skipa skal brukast til installasjon og vedlikehald av vindkraftanlegg til havs. Dei skal leverast i første halvår 2024.

Dette er andre kontrakt mellom Kongsberg Maritime og Integrated Wind Solutions. I fjor inngjekk dei ein tilsvarande avtale om dei to første skipa, som skal leverast i 2023. Avtalen omfattar også ein opsjon om ytterlegare to skip.

Den andre børsmeldinga i dag gjeld ein avtale om ein "betydlig teknologipakke", til eit skip Maersk Supply Service har bestilt hos verftet Sembcorp i Singapore. Den kontrakten er på 18 millionar euro - 174 millionar kroner. Skipet skal brukast til installasjon av vindkraftanlegg til havs og skal leverast i 2025.

Les børsmelding her