NPK-NTB: I den kommande trusselvurderinga som politiet legg fram over påske, blir det uttrykt uro for kriminalitet innan fiskerinæringa, som har ei årleg omsetning på 121 milliardar kroner, skriv E24 , som har fått innsikt i vurderinga.

Systematisk feilrapportering
«Det forekommer systematisk under- og feilrapportering av ressursuttaket og landingen av fisk i Norge», står det i trusselvurderinga.

«Aktører med kontroll eller sterk innflytelse over virksomheter i flere ledd av verdikjeden benytter sin posisjon til å oppnå gevinst ved å sette omsetning av ulovlig fangstet fisk og skalldyr i system», står det vidare.

Urovekkjande kriminalitetsnivå
Økokrimsjef Pål Lønseth seier politiet trur kriminalitetsnivået er urovekkjande høgt og meiner det er på tide å rope varsku for det som kan bli den viktigaste næringa i landet i framtida. Han fortel at dei ser etableringar av utanlandske aktørar med kriminelle relasjonar i marknaden.

– Eg trur det blir fleire straffesaker, ja. Og politiet kjem heilt sikkert også til å bidra gjennom a-krimsenteret for å kontrollere arbeidslivskriminalitetsspørsmål på land, seier Lønseth.