Øyvind Tørlen ny Jets-sjef

Tørlen er dagleg leiar og partnar i investor- og konsulentselskapet Converto i Ålesund, der han har jobba i kompaniskap med Frank Reite.

Han tek til i Jets Vacuum i oktober.
Han tek over etter Jan Tore Leikanger, som i mars i år varsla at han ville gå av som konsernsjef.

Vekstambisjonar

Jobben til Tørlen blir mellom anna å leie selskapet gjenom ny vekst.
Jets Vacuum på Hareid lagar vakumtoalettsystem, som brukar vesentleg mindre vatn enn vanlege toalett. Først blei dei tatt i bruk på skip, men Jets har auka satsinga på landanlegg, og har også utvikla nye produkt basert på kompetansen frå vakumtoaletta.
- Jets Vacuum har store vekstambisjonar, som vi alt har byrja å realisere. Vi er ved eit brytningspunkt der landmarknadane vi opererer i, er i ferd med å vekse frå skips- og offshoredelen som tradisjonelt har vore størst for oss, seier styreleiar Anders Almestad i ei pressemelding.

Eks-Ekornes

Tørlen har tidlegare mellom anna vore konsernsjef i Ekornes ASA (frå juni 2009 til desember 2012), COO i Pan Fish ASA og administrerande direktør i Pan Fish Norway AS.
Han er mellom anna styreleiar i Novela Management og var styreleiar i Scana Propulsion under salet av selskapet til Brunvoll.
- Då eg vart kjend med at stillinga som CEO i Jets var ledig, gjekk eg nokre rundar med meg sjølv. Til slutt var det moglegheita til å vere med på ei spanande vekstreise i eit internasjonalt selskap som vann, seier Tørlen i pressemeldinga, om kvifor har skiftar jobb.