Blant anna skal Evotec levere eit komplett handteringssystem for akustisk kilde til PGS for eit prosjekt som skal gå føre seg i Gulf of Mexico sommaren 2019.
Systemet består av to avanserte hiv-kompenserte vinsjar med spolesystem, samt Evotec sitt kontrollsystem og elektriske driv-linjer for å køyre systema.

- Glad for konkurransen

I ei pressemelding frå selskapet seier prosjektleiar Arne Vatn hos PGS at dei valde å fortsette samarbeidet med Evotec som PGS har hatt eit godt forhold over mange år.
- Og vi er glade for at konkurransen i segmentet seismikk blir oppretthalden, seier han,
Evotec var tidlegare eigd av Kongsberg, men vart i januar overatt av Jogeir Romestrand og hans investeringsselskap Rome.
Bakgrunnen var at Kongsberg Gruppen utifrå konkurranseomsyn måtte selje etter overtakinga av Rolls-Royce Commercial Marine.

- Fullt fokus

Rome overtok samstundes anvsaret for dei rundt 50 tilsette og lova å utvikle Ulstein-bedrifta vidare.

Salsansvarleg Geir Henning Kalvatn hos Evotec er gladd for at selskapet er valt til leverandør av det prestisjetunge prosjektet.
- Her skal vi inn med våre nye motor og drive-løysingar som gjer våre vinsjesystem til verdas mest kompakte, samt med vår aktive hiv-kompensering.
- Alt skal stå ferdig for levering før sommaren kjem, så her trengst det fullt fokus, seier Kalvatn i pressemeldinga.

Treng fleire tilsette

I tillegg opplyser selskapet at ein er i ferd med å ferdigstille ein betalt forstudie på eit offshore oppdrettsanlegg, som igjen kan bli ein ny ordre i dette segmentet etter leveringa til Ocean Farming i løpet av 2019.
I ordreboka er også to nye skidding-system til eit offshore fartøy.
- Vi har akkurat levert eit fullt bakdekk til Havyard Leirvik sin nederlandske pelagiske trålar, i tillegg er vi i ferd med å ferdigstille to komplette handteringssystem til forskningsfarty i Korea, samt eit avansert og full-automatisk nodesystem til seismiske botnundersøkingar.
- Med nye ordrar og endå fleire bein å stå på, så treng vi også fleire folk. Vi søkjer no etter både ingeniørar, service-ingeniørar og flinke framoverlendte seljarar, seier Torkjell Ringstad, leiar for sal og marknad, i pressemeldinga.