Situasjonen framleis fastlåst

Tysdag er verftseigar Tomislav Debeljak i møter ved Kleven verft i eit forsøk på å finne ei løysing på konflikten med långivarane.
Til saman er det kring 400 tilsette ved Kleven Verft og Kleven Maritime Contracting, kring 200 i kvart selskap, som no ventar spent på om det kjem ei løysing på krisa hjørnesteinsbedrifta er inne i.

Les også:

- Må kome på jobb som vanleg

Klubbleiar Olav Høydalsvik i Fellesforbundet på Kleven har tysdag morgon hatt møte om situasjonen med sine medlemmar tysdag, for å informere om kva dei bør gjere.
- Vi seier at dei må kome på jobb som vanleg til dei får beskjed om noko anna. Det er viktig at det ikkje er noko å utsette på arbeidet dei gjer i denne situasjonen, seier han.
Høydalsvik seier stemninga melom dei tilsette er prega av både håp og motlause.
- Vi forsøker formidle at det er håp og helde folk ved godt mot. Men det er klart at det er mange spørsmål kring dette med moglegheitene til å gå konkurs. Vi forsøker å informere om det vi kan og korleis vi bør opptre og slikt, fortel han.

Ikkje noko løysing i nye møte

Høydalsvik er også ein av to representantar for dei tilsette i styret, og deltok på styremøte med Debeljak tysdag morgon.
- Det var ikkje noko nytt, men Debeljak sa at han jobbar med å finne ei løysing, seier Høydalsvik til NETT NO om det som kom fram der.
Verftseigaren skal også skal vore i nye møter med bankane denne veka, utan at det har ført fram. Med andre ord er situasjonen mellom verftseigaren og långivarane framleis fastlåst.
Kleven-styret vil truleg samlast til eit nytt møte onsdag.

Meir om saka:

Tillitsvalt:

Verftsdirektøren: