Eit mannskap frå Vard har denne veka teke Rev Ocean-skipet på sjøen for eigen maskin for første gong, skriv Rev Ocean-prosjektet på si Facebook-side.

Flyttast til Langsten
Det kombinerte yacht- og forskingsskipet som Kjell Inge Røkke har under bygging, blir samstundes flytta frå Brattvåg til Langsten-verftet i Tomrefjord.

Årsaka er at eit nytt prosjekt treng plassen ved Vard-verftet i Brattvåg.

Undervegs vil mannskapet gjere dei første sjøprøvene for å teste eigenskapar, utstyr og sikkerheit ved fartøyet.

Forseinka
Rev Ocean påpeiker at koronapandemien har forseinka arbeidet i Norge med skipet. Etter den opphavlege planen skulle Rev Ocean vidare til Tyskland for utrusting i sommar.

– Arbeidet held uansett fram og den neste byggefasa ved Langsten vil bli ei ny milepåle i utviklinga av verdas mest avanserte forskings- og ekspedisjonsfartøy, heiter det.

Les også: Vard i balanse på drifta

Skipet skal koste kring tre milliardar kroner, og Røkke sin plan var å ha skipet i drift i 2021.

Rev Ocean er eitt av tre nominerte til 'Ship of the Year'-kåringa til Skipsrevyen. Rostein sin brønnbåt Ro Vision, levert frå Larsnes Verft og heilelektriske Yara Birkeland, også frå Vard Brattvaag., er dei andre nominerte.

Les også: - Vil bli et levende utstillingsvindu for norske leverandører

Larsnes mot Brattvåg om 'Årets skip'

Frå Kleven til toppjobb hos Røkke