Aker med ekstrautbytte på 2,6 mrd.

(NPK-NTB): Kjell Inge Røkkes Aker vedtek ekstrautbytte på 2,6 milliardar kroner, samtidig som verdiane i selskapet fell. Det kjem fram i kvartalsrapporten frå selskapet.

Akers verdijusterte eigenkapital fall frå 63 milliardar kroner førre kvartal til 57 milliardar kroner dette kvartalet, skriv Dagens Næringsliv.

Samtidig har styret vedteke eit tilleggsutbytte, som løftar utbyttet til 3,8 milliardar for året totalt.

I tillegg gjer selskapet om på utbyttepolitikken, og aukar målet for utbytte med to prosentpoeng av den verdijusterte eigenkapitalen. Målet er no på 4–6 prosent årleg, medan det tidlegare var 2–4 prosent.

(©NPK)