Aqua Nor går som planlagt

('NPK): Etter at styresmaktene nyleg presenterte oppdaterte retningslinjer for smittevern, som likestiller messer med kjøpesenter, melder Stiftinga NorFishing at messa Aqua Nor kan arrangerast fysisk i Trondheim til hausten og vil gå som planlagt – fysisk, og digitalt.

– Det er med stor glede vi annonserer at vi endeleg kan møtast i Trondheim Spektrum. Vi legg opp til ei fysisk messe i tråd med gjeldande smittevernreglar, og skal sørgje for at arrangementet går føre seg på ein trygg måte, melder NorFishing.

Aqua Nor har sidan 1979 vore ein internasjonalt møtestad for akvakulturnæringa, og er i dag den største messa for akvakultur-teknologi i verda, ifølgje nettsidene til arrangementet. Dei siste åra har rundt 20.000 frå opptil 76 nasjonar besøkt messa. Her blir mange viktige nyheiter for næringa presenterte.

Aqua Nor 2021 vil i tillegg gå føre seg på ei digital messeplattform.

– Det gir oss endå fleire høve til å samlast, sidan besøkjande som ikkje har moglegheit til å møte opp fysisk kan delta der dei er – når det passar dei, melder arrangøren.

(©NPK)