Stort oppdrag til K. Nordang

Ålesund kommune opplyser i ei pressemelding at ein vil inngå kontrakt med entreprenøren K. Nordang for bygging av nye Eidet skule på Vatne.

Skulen skal huse det som no er Vatne ungdomsskule, Vatne barneskule og Tennfjord skule, og skal ha plass til minimum 500 elevar.

Kostnadsramma er på 304 millionar kroner, og kommunen fekk inn sju tilbod i tilbodskonkurransen.