– Beredskapen er ivareteken

(NPK-NTB): – God dekning og teknisk robustheit gjer at omsyna til beredskap ved overgangen frå FM til DAB er varetekne, held justis- og beredskapsminister Anders Anundsen (Frp) fast på.
Han møtte onsdag i Stortinget for å forsikre om at beredskapen ikkje setjast i fare når sløkkinga av FM-nettet etter planen startar over nyttår.
Anundsen viste i si utgreiing til ein fersk rapport frå Direktoratet for samfunnstryggleik og beredskap (DSB).
– Rapporten frå DSB konkluderer med at beredskapsomsyn er varetekne, sa Anundsen.
Han viste til at dekninga er god og tilfredsstiller krava Stortinget har sett for sløkking. DAB-nettet er teknisk meir robust enn FM-nettet, og dekninga i tunnelar vil bli betre, understreka statsråden.
– DSB konkluderer samla med at dei beredskapsmessige konsekvensane er usikre, men mest sannsynleg små, sa han. (©NPK)