Bohus tilbake til Ørsta-Volda

- Vi har lenge ynskt å etablere oss her igjen, og særleg då her i Furene, som er eit fantastisk knutepunkt: Kort veg til Volda og Ørsta, og det er heller ikkje langt til Ulstein-regionen og Stryn, seier driftsdirektør i Bohus-kjeda, Henrik Berg, til Møre-Nytt.

Skeidar-butikken i Hovdebygde var Bohus-butikk til for 19 år sidan, då eigarane skifta kjede. Etterpå har ikkje Bohus hatt butikk i Ørsta-Volda.

Bohus skal flytte inn i eit bygg selskapet Furutunet har under bygging i Furene. Martin Brænne og familien er største eigar i Furutunet. Brænne har hatt ei sentral rolle i utviklign av Furen som industri- og handelsområde.

Det nye bygget til 73 millionar kroner skal huse butikkjeda Jula i første etasje og Bohus i andre. Bygget skal vere ferdig til påske 2024.