(NPK): Femdoblinga av importen av meierivarer på femten år får bondeorganisasjonane i Noreg til å reagerer.
Dei krev no at regjeringa ikkje gir eitt einaste kilo i auka tollfrikvote i forhandlingane med EU om handel med landbruksvarer, skriv Nationen.
– På sentrale landbruksvarer som mjølk og kjøt har me absolutt ingenting å gi. Det er den klare forventninga vår til regjeringa ut frå målet om auka matproduksjon. Her kjem me til å fotfølgje politikarane, seier generalsekretær Per Skorge i Norges Bondelag til avisa.
Importen av meieriprodukt er femdobla sidan år 2000. Noreg går glipp av fire milliardar kroner i verdiskaping som følgje av importen, viser ei utgreiing frå AgriAnalyse.
EU har i forhandlingar med Noreg fått gjennomslag for å auke tollfrikvotane på ost. Det har medverka til veksten i importen, som i fjor var på 12.000 tonn. Eksporten av ost frå Noreg til EU har vore stabil dei siste åra og ligg på 2.000 tonn.
Dei krev no at regjeringa ikkje gir eitt einaste kilo i auka tollfrikvote i forhandlingane med EU om handel med landbruksvarer, skriv Nationen.
– På sentrale landbruksvarer som mjølk og kjøt har me absolutt ingenting å gi. Det er den klare forventninga vår til regjeringa ut frå målet om auka matproduksjon. Her kjem me til å fotfølgje politikarane, seier generalsekretær Per Skorge i Norges Bondelag til avisa.
Importen av meieriprodukt er femdobla sidan år 2000. Noreg går glipp av fire milliardar kroner i verdiskaping som følgje av importen, viser ei utgreiing frå AgriAnalyse.
EU har i forhandlingar med Noreg fått gjennomslag for å auke tollfrikvotane på ost. Det har medverka til veksten i importen, som i fjor var på 12.000 tonn. Eksporten av ost frå Noreg til EU har vore stabil dei siste åra og ligg på 2.000 tonn.
Publisert: 05.11.2015 09:53
Sist oppdatert: 10.02.2021 15:50
