Byggestopp i Sula for retten

Boligareal As meiner Sula kommune må erstatte det økonomiske tapet dei har hatt som følgje av byggestoppen og har gått til søksmål.

No er det klart at partane møtest i Møre og Romsdal tingrett til rettssak frå 18. november, ifølgje Sunnmørsposten.

Bustadfirmaet meiner kommunen har brote plikta for rettleiing, unnlate å følgje opp lovpålagde pliktar, i tillegg til dei meiner det er gjort feil i saksbehandling frå kommunen si side.

Bakgrunnen er at det i praksis har vore byggestopp i Sula kommune i lengre tid. Årsaka til det, er at det ikkje finst godkjente løysingar for meir utslepp i kommunen.

Sula kommune meiner verken vilkåra for erstatning, eller årsakssamanheng, er oppfylt og avviser kravet, ifølgje avisa.