Dekkjer kostnader ved samanslåing

NPK: Kommunar som vedtok å slå seg saman før sommaren, får no 1,3 milliardar kroner til å dekkja kostnader i samband med samanslåinga.
Tilskotet skal fordelast på 43 nye kommunar og blir betalt som eit eingongstilskot.
– Det er nokre ekstra kostnader for å slå saman kommunane, og vi gjev ei solid støtte for å sikra at dette arbeidet blir godt gjennomført, seier kommunal- og moderniseringsminister Jan Tore Sanner (H):
Også fylke som slår seg saman får dekt utgifter til eingongskostnader. Kvart fylke som er del av ei samanslåing får utbetalt 15 millionar kroner. Til saman blir det i haust betalt ut 195 millionar kroner til fylkeskommunane i samanslåingsstøtte.