Digitale bedrageri er eit samfunnsproblem

(NPK-NTB): Økokrim ser ein stor vekst i såkalla digitale bedrageri det siste året. I den største til no i år tapte ein person rundt 6 millionar kroner.

Til TV 2 fortel statsadvokat Anne Glede Allum i Økokrim at dei mellom anna ser mykje av kjærleikssvindel og investeringsbedrageri med kryptovaluta involvert.

– Det har det siste året vore ein stor vekst i digitale bedrageri, og det er no så mange bedrageri at det har vorte eit samfunnsproblem, seier Allum.

I fjor og så langt i år har Økokrim registrert tap i samband med svindel på noko over 37 millionar kroner. I fleire enkeltsaker dreier det seg om millionar av kroner. Det største enkelttapet i 2023 er på rundt 6 millionar kroner, ifølgje statsadvokaten.

(©NPK)