(NPK-NTB): Indeksen steig med 0,6 prosent frå august til september.
Konsumprisindeksen steig med 2,1 prosent frå same periode i fjor. Årsaka til stiginga er blant anna høgare prisar på klede, elektrisitet og møblar, ifølgje Statistisk sentralbyrå ( ).
Prisane på klede og skotøy, som auka overraskande mykje i august, steig vidare med 5,3 prosent i september. Prisveksten var likevel sterkare i fjor på same tid, så årsveksten i prisane for denne varegruppa fall frå 4 prosent i august til 3,6 prosent i september.
Oppgangen vart likevel dempa av nedgangen i bensinprisane, som fall for andre månad på rad. Bensinprisane har gått ned med 8,2 prosent sidan juli.
Prisveksten for importerte varer fortset og ligg i september på 3,9 prosent.
Det talet økonomane legg størst vekt på, den såkalla kjerneinflasjonen, steig med 3,1 prosent dei siste tolv månadane. Det er heilt i tråd med Noregs Banks anslag, og berre ein tidel høgare enn konsensusanslaget. Hovudårsaka til stiginga var auke i matvareprisar, ifølgje Nordea. (©NPK)
Konsumprisindeksen steig med 2,1 prosent frå same periode i fjor. Årsaka til stiginga er blant anna høgare prisar på klede, elektrisitet og møblar, ifølgje Statistisk sentralbyrå ( ).
Prisane på klede og skotøy, som auka overraskande mykje i august, steig vidare med 5,3 prosent i september. Prisveksten var likevel sterkare i fjor på same tid, så årsveksten i prisane for denne varegruppa fall frå 4 prosent i august til 3,6 prosent i september.
Oppgangen vart likevel dempa av nedgangen i bensinprisane, som fall for andre månad på rad. Bensinprisane har gått ned med 8,2 prosent sidan juli.
Prisveksten for importerte varer fortset og ligg i september på 3,9 prosent.
Det talet økonomane legg størst vekt på, den såkalla kjerneinflasjonen, steig med 3,1 prosent dei siste tolv månadane. Det er heilt i tråd med Noregs Banks anslag, og berre ein tidel høgare enn konsensusanslaget. Hovudårsaka til stiginga var auke i matvareprisar, ifølgje Nordea. (©NPK)
Publisert: 09.10.2015 12:49
Sist oppdatert: 10.02.2021 15:50
