Dårleg med angrerett

(NPK-NTB): Då Forbrukarombodet tinga varer frå ti tilfeldig valde nettbutikkar og brukte angreretten, følgde berre ni av butikkane reglane i angrerettlova.
– Resultatet viser at mange butikkar ikkje har teke inn over seg kva krav lova stiller. I tillegg til god informasjon om angreretten, skal butikkane ikkje setja hindringar i vegen som kan gjera det dyrare eller vanskelegare å angra, seier forbrukarombod Gry Nergård.
Blant butikkane som ikkje følgde lova, var det fleire som ikkje sende ut angreskjema med varene. Andre sende ut eit utdatert angreskjema. To butikkar stilte krav til korleis kundane skulle melda frå om at dei ville angra på kjøpet.
– Forbrukarane kan sjølv velja korleis dei ønskjer å returnera ei vare. Butikkane kan ikkje påleggja dei å returnera vara på ein bestemt måte, seier Nergård. (©NPK)