Dæhlie vil bygge hotell i Volda

Den tidlegare skikongen Bjørn Dæhlie meiner det et behov for eit nytt hotell i Volda og vil gjerne inkludere det i satsinga si i sunnmørsbygda, skriv Møre-Nytt.

Dæhlie sitt selskap Sisa Invest kjøpte seg nyleg inn i Aasenkvartalet der det er planar om å bygge inntil 10.000 kvadratmeter med næringsareal.

– Dette området har god lokasjon, og vi ønskjer å knyte til oss ein solid hotelloperatør, seier Dæhlie til avisa.

Torsdag var han i Volda saman med sonen Sivert Dæhlie og arkitekt Thomas Bjørn Marschall. Satsinga skal skje i tre byggesteg og Sisa Invest har opsjon på å utvikle andre byggetrinn, ifølgje avisa.

Satsinga har ei kostnadsramme på 300-400 millionar og målet er at alt skal stå klart i slutten av 2026. No er jakta på fleire leigetakarar i gong.