Dømt for ulovleg bruk av arbeidskraft

Sunnmøre tingrett meiner Runde Miljøsenter må betale ei bot på 125.000 kroner for ulovleg bruk av arbeidskraft. 

Det går fram i dommen som først blei omtala av NRK Møre og Romsdal. 

Saka handlar om asylsøkjaren Suel Kassembo som er varig utvist frå landet, men likevel har budd og arbeidd på Søre Sunnmøre i årevis.

UDI, politiet, skatteetaten og Nav var kjent med situasjonen, men greip ikkje inn. Retten legg likevel vekt på at det er arbeidsgivars ansvar å sørgje for å undersøke at alt var i orden. 

Saka hamna i retten etter at miljøsenteret ikkje godtok ei bot på 300.000 kroner. Dommen kan ankast og er ikkje rettskraftig.