Eid skal bli god på innkjøp

Kommunen skal byggje eit nytt, heildøgns omsorgssenter og ønskjer i samband med det å samarbeide med "Nasjonalt program for leverandørutvikling" og næringslivet om å finne nye løysingar for velferdsteknologi som skal møte behova for framtidas omsorgssenter, går det fram av ei pressemelding frå Næringslivets Hovedorganisasjon (NHO) i Sogn og Fjordane og Eid kommune.

Produktutvikling

Det er NHO og interesseorganisasjonen til kommunane, KS, som står bak det ambisiøse programmet:
Ikkje berre skal offentlege institusjonar bli betre innkjøparar, men leverandørane, ikkje minst lokale bedrifter, skal samstundes stimulerast til produktutvikling og nye løysingar.

Betre dialog

- Dette handlar om den tidlege dialogen, der behovet blir definert og lagt fram for leverandørane gjennom ein dialogkonferanse. Bedriftene kan på den måten vere med å tenke nytt, fremje forslag til moglege løysingar, eller kanskje utvikle heilt nye metodar og produkt for å dekke behovet, seier Marit Gjerstad i NHO Sogn og Fjordane.

Doffin neste

Etter dialogmøta vil oppdraget bli lyst ut på Doffin (Databasen for offentlege innkjøp) på vanleg måte, men då med ein god og funksjonell kravspesifikasjon.
- Metoden er godt testa ut i fleire kommunar, og det har vore stor suksess i både små og store kommunar, seier prosjektleiar for det nasjonale programmet, Tore André Sines, ifølgje pressemeldinga.

Ein viktig kunde

Ei undersøking som Næringsbarometeret i Sogn og Fjordane gjorde i oktober i 2013, viser at .
Undersøkinga avslørte også at mange bedrifter meiner at dei offentlege anboda er kompliserte og at ei av den grunn kvir seg for å levere tilbod.