(NPK-NTB) Eit oljefunn i eit nytt segment som høyrer til Tyrihans-feltet i Norskehavet kan gi mellom 19 og 26 millionar fat utvinnbar olje, melder Equinor.
Equinor har gjort funnet saman med Total E & P og Vår Energi, skriv dei i ei pressemelding.
Rettshavarane vurderer funnet som kommersielt og vil igangsette produksjon umiddelbart, står det i pressemeldinga.
– Plasseringa gjer oss i stand til å setje funnet i produksjon over Tyrihans-feltet umiddelbart, noko som både gir god lønnsemd og låge CO2-utslepp frå produksjonen, seier Nick Ashton, Equinors leitedirektør for norsk sokkel.
Tyrihans-feltet ligg i den midtre delen av Norskehavet, om lag 25 kilometer søraust for Åsgard-feltet og 220 kilometer nordvest for Trondheim.
Publisert: 21.04.2021 10:54
Sist oppdatert: 21.04.2021 10:55
