Fiskarlaget vil ha håbrannfiske

NPK: Norges Fiskarlag meiner bestanden av håbrann er aukande. I eit innspel til Fiskeridirektoratet har organisasjonen derfor gitt uttrykk for at forvaltninga bør vurdere at det skal bli lov å fiske etter håbrann ved fiske etter andre artar, skriv Fiskeribladet.
Håbrann er den vanlegaste arten i familien "makrellhaiar" i nordlege farvatn. Arten er utbreidd i heile Nord-Atlanteren og Middelhavet, og finst elles langs norskekysten og opp til det søraustlege Barentshavet.
Håbrann er derimot totalfreda i Noreg og EU fordi den står på internasjonale lister over trua eller sårbare dyreartar.