Fiskeriavtale med Grønland

NPK-NTB: Noreg og Grønland har vorte samde om fiskerisamarbeid og kvotebyte for 2026, opplyser regjeringa. Avtalen inneber redusert kvotenivå frå i fjor.

Noreg får fiske 600 tonn blåkveite i Vest-Grønland. I aust kan norske fiskarar dra opp 15 tonn kveite, 400 tonn uer, 360 tonn brosme, 100 tonn skolest og 325 andre artar som bifangst. Torskekvoten er på totalt 720 tonn torsk i vest og aust, opplyser Nærings- og fiskeridepartementet.

For Grønland sin del inneber avtalen rett på 2900 tonn torsk, 533 tonn hyse, 454 tonn sei og 425 tonn med andre artar i Barentshavet.