Fra pluss til minus for Bass Brothers

2023-rekneskapen til Bass Brothers i Herøy viser at omsetninga har stabilisert seg kring 30 millionar. Selskapet hadde fleire år med kraftig vekst og tredobla inntektene sine frå 2019 til 2021.

Samtidig har lønnsemda gått ned dei siste åra. I fjor gjekk sjølve drifta i pluss, men resultat før skatt enda på minussida for bedrifta som sysselsette sju årsverk (sjå tabell under).

Finanskostnader og andre driftskostnader står for ei auke på utgiftssida, viser årsmeldinga.

Bass Brothers har spesialisert seg på bilstereoanlegg. I dag driv bedrifta berre sal via nett, etter at dei investerte i eit nytt bygg i Klokkargardsvegen og flytta frå Fosnavåg sentrum.

Frode Sævik eig alle aksjane i selskapet og starta med å selje stereoanlegg til hus, før han også byrja med bilstereoranlegg. I takt med at salet av bilstereoanlegg auka, krympa salet av husstereoanlegg inntil selskapet vart eit reindyrka bilstereoselskap.