Frp vil fjerne CO2-avgift på fjernvarme

NPK-NTB: Framstegspartiet vil fjerne CO2-avgifta på norske fjernvarmeanlegg for å hindre at norsk avfall blir eksportert til Sverige.

Stortingsrepresentant Kristoffer Sivertsen (Frp), som sit i energi- og miljøkomiteen, meiner avgifta svekkjer lønsemda og bidreg til at avfall blir sendt ut av landet.

– Norsk avfall som kunne varma opp norske heimar hamnar i staden i Sverige. Når straumnettet allereie er hardt pressa i fleire regionar er det meiningslaust at vi ikkje legg til rette for at fjernvarme i større grad kan avlaste nettet og sikre stabil energiforsyning, seier Sivertsen i ei pressemelding.