(NPK): Nedgangstider i verftsindustrien kan opne for at det kjem fleire asylsøkjarar til industribygda Ølensvåg i Rogaland.
I bustadbrakkene der arbeidarar ved Westcon Yards i Ølensvåg et og søv, skal nærare 400 asylsøkjarar flytte inn, skriv Haugesund Avis.
– Med over 850 rom i brakkeriggane våre, har me i utgangspunktet plass til fleire dersom det viser seg at innkvarteringa fungerer. Blir det mindre arbeid for Westcon i vinter, og det viser seg at behovet for innkvartering av arbeidarar ikkje blir så stort, kan det hende me aukar kapasiteten, seier Egil Jørgensen i Catering Partner AS. Selskapet driftar brakkebyen og kantina ved verftet.
Catering Partner skal i utgangspunktet tilby akuttplassar for fjorten dagar om gongen til asylsøkjarane som kjem, men UDI har gitt signal om at dei kan bli verande dobbelt så lenge i Ølensvåg. Grunnen er liten plass i ordinære asylmottak i området. (©NPK)
I bustadbrakkene der arbeidarar ved Westcon Yards i Ølensvåg et og søv, skal nærare 400 asylsøkjarar flytte inn, skriv Haugesund Avis.
– Med over 850 rom i brakkeriggane våre, har me i utgangspunktet plass til fleire dersom det viser seg at innkvarteringa fungerer. Blir det mindre arbeid for Westcon i vinter, og det viser seg at behovet for innkvartering av arbeidarar ikkje blir så stort, kan det hende me aukar kapasiteten, seier Egil Jørgensen i Catering Partner AS. Selskapet driftar brakkebyen og kantina ved verftet.
Catering Partner skal i utgangspunktet tilby akuttplassar for fjorten dagar om gongen til asylsøkjarane som kjem, men UDI har gitt signal om at dei kan bli verande dobbelt så lenge i Ølensvåg. Grunnen er liten plass i ordinære asylmottak i området. (©NPK)
Publisert: 11.11.2015 16:06
Sist oppdatert: 10.02.2021 15:50
