Får sluttavtale med millionlønn i tre år

Tidlegare høgskuledirektør Ann-Kristin Emblem ved Høgskulen i Volda får behalde årslønna på 1,3 millionar  fram til april 2028, i tillegg til at ho då får 450.000 kroner i sluttvederlag. 

Det melder Khrono.no som har fått innsyn i sluttavtalen. 

Emblem sa formelt opp stillinga den 13. mars og skal no over i arbeid på heimekontor. Der skal ho jobbe med ei prosjektskisse knytt til  forsking innanfor forvaltningsrett.