(NPK-NTB): Nye Veier lovar å byggja langt billegare motorvegar enn Statens vegvesen. Mellom anna ved å fjerna lys langs vegen og byggja smalare vegar, ifølgje Aftenposten
Det nye statlege vegselskapet har teke over ansvaret for bygginga av vegar for til saman 148 milliardar kroner og trur kostnadene kan reduserast med 22 milliardar kroner, skriv a.
Dette skal mellom anna oppnåast ved å kutta ut lys over lange strekningar, redusera krava til sikt, redusera vegbreidda og kor tjukk asfalten er, laga enklare frostsikring og velja billegare dreneringsløysingar.
– På ein del område byggjer vi med for høg standard i Norge, meiner vi. Det må inn eit større søkjelys på kostnader, seier sjef for selskapet Ingrid Dahl Hovland.
Ho meiner at tiltaka ikkje vil gå ut over tryggleiken, og viser mellom anna til at det ikkje finst forsking som seier at veglys fører til auka trafikktryggleik utanfor tettbygde strøk og utanfor kryssområde.
Direktør i Statens vegvesen, Terje Moe Gustavsen, har denne kommentaren til planane.
– Det kan bli dyrt å byggja billeg dersom utgiftene til drift og vedlikehald blir store. Og omsynet til trafikktryggleik er sentralt i all planlegging og bygging av vegar. Samtidig er det viktig å sjå moglegheiter for endringar, eventuelt forenklingar, og ta i bruk nye metodar heile tida. (©NPK)
Det nye statlege vegselskapet har teke over ansvaret for bygginga av vegar for til saman 148 milliardar kroner og trur kostnadene kan reduserast med 22 milliardar kroner, skriv a.
Dette skal mellom anna oppnåast ved å kutta ut lys over lange strekningar, redusera krava til sikt, redusera vegbreidda og kor tjukk asfalten er, laga enklare frostsikring og velja billegare dreneringsløysingar.
– På ein del område byggjer vi med for høg standard i Norge, meiner vi. Det må inn eit større søkjelys på kostnader, seier sjef for selskapet Ingrid Dahl Hovland.
Ho meiner at tiltaka ikkje vil gå ut over tryggleiken, og viser mellom anna til at det ikkje finst forsking som seier at veglys fører til auka trafikktryggleik utanfor tettbygde strøk og utanfor kryssområde.
Direktør i Statens vegvesen, Terje Moe Gustavsen, har denne kommentaren til planane.
– Det kan bli dyrt å byggja billeg dersom utgiftene til drift og vedlikehald blir store. Og omsynet til trafikktryggleik er sentralt i all planlegging og bygging av vegar. Samtidig er det viktig å sjå moglegheiter for endringar, eventuelt forenklingar, og ta i bruk nye metodar heile tida. (©NPK)
Publisert: 28.07.2016 07:53
Sist oppdatert: 10.02.2021 15:45
