Først med bymilliardavtale

(NPK): Trondheim har inngått Noregs første bymiljøavtale med staten. Byen får 3,76 milliardar kroner fram til 2023 for å hindre vekst i biltrafikken.
Avtalen er inngått mellom Trondheim kommune, Sør-Trøndelag fylkeskommune og staten ved Jernbaneverket og Statens vegvesen.
1,4 av dei 3,76 milliardane går til å utvikle superbusstilbod. Pengane skal brukast på trasear, haldeplassar og bussdepot.
Bakgrunnen for avtalen er nullvekstmålet i Klimaforliket. Det vil seie at all vekst i persontrafikken i veksande storbyområde skal skje ved at folk reiser kollektivt, syklar eller går. (©NPK)