Halvert resultat for Salmar

(NPK-NTB): Laksegiganten Salmar hadde eit operasjonelt driftsresultat på 798 millionar kroner i første kvartal i år, nær ei halvering frå same periode i fjor.

I første kvartal i fjor var tilsvarande tal 1,521 milliardar kroner.

– Kort sagt er vi fornøgde med utviklinga på tilvekst og overleving i sjø, men finansielt er det dessverre svakt som følgje av slakting seint i perioden og kvaliteten på slakta fisk i kvartalet, seier konsernsjef Frode Arntsen i ei børsmelding.

Omsetninga i første kvartal i år var 5,193 milliardar kroner, mot nærare 6,555 milliardar kroner i same kvartal i fjor.

(©NPK)