(NPK): Statens naturoppsyn (SNO) har lagt beslag på 18 kilometer med ulovlege garn i år, mot 12 i fjor. Det viser at ulovleg fiske etter laks, sjøaure og sjørøye framleis er eit aukande problem, meiner oppsynet.
– Ulovleg laksefiske i det omfanget me opplever no er alvorleg miljøkriminalitet. Me kjem til å følgje utviklinga tett også neste år, seier direktør i SNO Pål Prestrud.
Mange av garna som er beslaglagde har stor maskevidd, og det er fleire garn i lenkje i år enn i fjor. Det viser ifølgje SNO at fisket er spesielt retta mot laks.
Problemet er størst i Nord-Noreg. I Troms fylke blei det inndrege 115 garn, medan det i Nordland og Finnmark blei teke beslag i høvesvis 67 og 58 garn.
I tillegg er 47 personar melde til politiet for brot på lakselova. Ein av grunnane til auken er at folk har blitt flinkare til å varsle om ulovleg fiske. (©NPK)
– Ulovleg laksefiske i det omfanget me opplever no er alvorleg miljøkriminalitet. Me kjem til å følgje utviklinga tett også neste år, seier direktør i SNO Pål Prestrud.
Mange av garna som er beslaglagde har stor maskevidd, og det er fleire garn i lenkje i år enn i fjor. Det viser ifølgje SNO at fisket er spesielt retta mot laks.
Problemet er størst i Nord-Noreg. I Troms fylke blei det inndrege 115 garn, medan det i Nordland og Finnmark blei teke beslag i høvesvis 67 og 58 garn.
I tillegg er 47 personar melde til politiet for brot på lakselova. Ein av grunnane til auken er at folk har blitt flinkare til å varsle om ulovleg fiske. (©NPK)
Publisert: 21.10.2015 12:28
Sist oppdatert: 10.02.2021 15:50
