Har ikkje fått leige

Grunneigarane i Dalsfjorden som leiger ut grunn til olivinutvinningsselskapet Steinsvik Olivine har sagt opp leigeavtalen og ser på vidare masseuttak som tjuveri.

Grunnen er at Steinsvik Olivine ikkje har betalt leige, og skuldar fleire hundre tusen kroner.

Det er Møre-Nytt som skriv om striden. Begge partar stadfestar til avisa at avtalen er sagt opp, men Steinsvik Olivine meiner både hevinga av kontrakten og kravet om å halde tilbake produsert masse saknar juridisk grunnlag.

Steinsvik Olivine er ilagt ei dagmulkt på 1000 kroner sidan april 2021 fordi selskapet ikkje har asfaltert anleggsvegar, slik at naboane blir plaga med støv. Selskapet prøver å få Volda kommuen med på at selskapet skal sleppe å betale. Selskapet gjekk med 3,3 millionar kroner i underskot i 2021 av driftsinntekter på 7,7 millionar kroner og hadde negativ bokført eigenkapital.

Dagleg leiar Robert Welsvik eig 67,6 prosent av aksjane i selskapet. Resten er eigd av selskapet Scheruhn Ind.-Mineral.Gmbh.