Verftet vil tilbake i yacthmarknaden

Green Yard Kleven vil gjere comeback i marknaden for ekspedisjonsyachtar som følgje av oppsving i aktiviteten, ifølgje nettstaden Superyachttimes.com.

– Som eit svar på ein sterk etterspurnad i marknaden har vi bestemt oss for å styrke posisjonen vår i yachtmarknaden, fortel salssjef Sigvald Håkonsholm til nettstaden. 

Verftet har tidlegare bygd fleire yachtar til New Zealand-milliardæren Graeme Hart.

Sidan eigarane i Green Yard overtok i verftet i Ulstein har dei hatt ein rekke ombygging- og reparasjonsoppdrag, i tillegg til at dei driv resirkulering av skip. 

Snart ventar verftet sitt første nybygg til kai – og no kryssar dei altså fingrane for at det også skal bli arbeid i yachtmarknaden. 

Konsernsjef Hans Jørgen Fedog fortel til nettstaden at dei ser store moglegheiter for å sikre seg oppdrag på området.